حب الزمان

السلام عليكم:
ازيكم يا اصحابى اخباركم ايه طبعا انا بعتذر عن انى مش بكتب بقى لى كتير بس حقيقى الشغل بقى بياخد من الانسان كتير بس عموما انا كتبت حاجه جديدة يا رب تعجبكم.........
بعد فراق استمر لسنوات انتظرتك اتيا بحبك
تركتنى ساهرة ليالى العشق واحدة
ابعدتنى عن حضن هواك متأملنى حائرة
اسعدت حياتك بحياة اخرى وتركتنى الهو عابثه لا اعرف بدايه
عشت أيامك فرحا ... وساعاتك بحب جديد
وانا حزينه الدمع ... جريحه القلب
لقد عشت جسدا بلا روح ... ليالى يلا قمر... حياة بلا أمل
ولكنها بذكريات تتردد آلامها
ذكريات حبك.. دفء كلامك.. عينيك الهادئتين النظرة
قلبك الملىء بحبى..يداك تحتضن قلبى خوفا عليه من غدر الزمان.. ولكنك
تركت كل هذا فجأة .. تركته يسقط أرضا ولا يجد منقذه
تركته يسقط لينكسر ولا يجد من يعيد الحياة اليه من جديد
تركته يأمل فى الحياةوحيدا لا يعرف مرساه
وتأتى مجددا اتقول اسف
هل عليا ان اقبلها ؟؟ هل احسست بالذنب تجاهى ؟؟
هل احسست بالشوق يتردد من جديد بداخلك
لالالالالا... انك تقولها فقط
لقد كنت ومازالت احبك
اتشوق الى نظرة حب منك ولو حتى عابرة
احتاج الى ان ارتمى فى احضان قلبك الدافئه
انتظر الى حياة جديده معك ولو لثانيه
ولكن احلامى تتعارض مع واقع عنيف .. لا احد يستطيع تغييره
لو بأيدى تحطيم هذا الزمان ...
لمشيت عليه فرحه بانتصارى
لكنه فوق قدراتى ...
لكنك حلم تتردد فى خيالى .... كلمااحسست انى اريدك
لتبعد عنى هموم هذا الزمان
آسف..........................

بعوده الايام

وحشتينى يامدونتى من اول رمضان وانا مش كتبت حاجه والنهارده اخر يوم فى رمضان ربنا يتقبل منا جميعا صالح الاعمال؛ويكون فى ميزان حسناتنا وبكرة ان شاء الله العيد والايام تعدى بسرعه زى مايكون رمضان لسه كان بدأ اول امبارح مش من شهر سبحان الله
المهم انا حبيت اقولكم بس كل سنه وانتم طيبين وعيد سعيد عليكم وعلينا وعلى المسلمين اجمعين اللهم امين.
وبعوده الايام

اهو جه ياولاد

بدأ رمضان شهر الصيام ياترى مين اللى اشترى الفانوس وعلق الشراشيب ؛انا عن نفسى عملت كده بس انا بحب الفاونيس القديمه مش بتاع الايام دى الى بيضحكوا بيها على العيال
كل سنه وكل الناس طيبه وبخير والنهارده الشياطين هاتتسلسل يبقى كده الحمدلله اترحمنا من شياطين الجن عقبال يارب شياطين الانس وربنا يعنا على انفسنا ونطلع من رمضان السنه دى ان شاء الله مغفور لنا ومعتقوين من النار واكثر رحمه بانفسنا وبالناس ؛رمضان بالنسبه للمسلم فرصه ربنا يقدرنا كلنا ونغتنمها ونستغلها صح لان الحسنات فيه مضاعفه والسنه فيه بأجر الفريضه ؛بس استغلال عباده مش استغلال مسلسلات وتليفزيون وست كوم اللى مغرق الدنيا الايام دى وكل البشر طلعين يقولوا انتظرونا فى رمضان واحنا ننتظرهم وهما يضحكوا علينا ويطلعوا يعملوا عمره ويقضوا الشهر فى عباده وصوم وصلاه بالذمه دا كلام ؛احنا بقى السنه دى اللى هانضحك عليهم وهانعمل لنفسنا جدول نمشى عليه طول رمضان علشان نحاسب نفسنا اول بأول ونلحق رمضان قبل مايجرى زى باقى الشهور مابتجرى وكله محسوب من عمرنا ؛ماتيجوا نخلى الهدف بتاعنا السنه دى الجنه والفوز بها (الا ان سلعه الله غاليه )والسلعه دى ياجماعه هى الجنه مين هايقدر على تمنها دى سعرها غالى اوى بس مش مستحيله يعنى ممكن كلنا نوصلها وتكون بيوتنا كلها جنب بعض فى الجنه وجنبنا قصر النبى صلى الله عليه وسلم هاتبقى مع حبيبك المصطفى حد يطول .
اه كلنا كلنا ممكن نطول بس نشتغل ونعمل اللى ربنا امرنا بيه وهو مش كتير لان الدين بتاعنا دين يسر مش عسر يعنى (لايكلف الله نفسا الا وسعها)كل حد بيعمل على اد طاقته وربنا عالم بينا اكتر من علمنا بأنفسنا .
رمضان شهر الرحمه والمغفره والعتق من النار (وسارعوا إلى مغفره من ربكم وجنه عرضها السموات والارض)ياريت كلنا نحاول اننا مش نفسد صيامنا بالغضب وسؤ تصرفاتنا مع الناس وإطلاق البصر وياريت البنات يلتزموا بحجابهم الشرعى علشان مش يكونوا فتنه للشباب ويتحملوا ذنوبهم احنا مش حمل ذنوب زياده ربنا يغفر لنا جميها ؛وبلاش الخيم الرمضانيه اللى ممكن تضيع علينا صيام وتعب طول النهار ويبقى ما استفدتش من صيامى غير الجوع والعطش ؛ماتيجوا نخلى رمضان السنه دى مختلف ونعمل حاجه تفرح ربنا على اد امكانياتنا نتبرع بحاجه بسيطه جدا او نعمل مع اصحابنا مشروع لشنطه رمضان ونجمه ونوزعها على الناس اللى محتاجها يبقى احنا عايزين فى رمضان دا الصحبه الصالحه اللى هاتساعدنا على إننا نغتنم هذا الشهر الكريم .
وفى جدول عاجبنى اوى على موقع الاستاذ مصطفى حسنى الجدول دا اسبوعى علشان نشوف عباداتنا فى رمضان بتزيد ولا بتقل ؛وفى نفس الوقت نحاسب نفسنا اول باول
يعنى حاسبوا انفسكم قبل ان تحاسبوا

مقتطفات من فاروق جويده

واخترت ان تمضى .... وفى عيناك يخبو ضوء قنديل هزيل
وتوضأت عيناك من عطر السحاب..... وكان ضوء الشمس يبكى
ووقفت ترصد خلف دمع الشمس مئذنه....... توارت فى ظلام داكن
وتكسرت جدرانها البيضاء كالصبح القتيل
اترى رحلت...... لان اخر امنيات العمر شاحت
فاستراح النبض فى القلب العليل
اترى رحلت...... لان شطآن الجداول
فى الضلام تآكلت واسود ماء النيل
فى اخر المشوار تحمل ما تبقى ....
وعلى المدى تبكى العصافير التى سمعت اناشيد الهوى
وتراقصت زمنا مع الناىالجريح.....سطران فى ذيل الجريدة
شاعر يمضى وعصفور جريح......................................................

كانت ليالى الفرح يا عمرى قليله
كانت ليالى الحزن والشكوى طويله
وهكذا الدنيا....... وداع او لقاء او سفر
كم عاشق قد نام مجروحا..... واخر بالاجنحه قد غدر
كنا نرى الطرقات اجنحه....... من الشوق المسافر فوق اهداب الماء
كانت حدائقنا بعرض الكون....... وكان لاحلم فينا يملأ الدنيا
ويعصف بالقلوب كما يشاء...... كانت امانينا ان انطلقت
نجوما لا ترى سقف السماء

الكل فى صمت مضى ومع النهايه يستريح
الوقت ليل والشتاء بلا قمر
نشتاق افراحا .... تبدد وحشه الايام بين ضلوعنا
نشتاق صدرا يحتوينا كلما عصفت بنا ايدى الشتاء
وشردت احلامنا
ماذا سيبقى فى صقيع العمر ...غير قصيده ثكلى ... يعانقها كتاب
وانامل سكنت على اوتارها...... وترنحت فى الصمت بين دفاتر الذكرى
فارقها العذاب......وفصيده سئمت سجون الوقت
فانتفضت ...... تحلق فى السحاب
وحكايه عن عاشق....... رسم الحياة حديقه غناء فى ارض خراب
تلتئم الجراح وتنطوى......الا جرح القلب يبقى فى الجوانج داميه.

طبعا انا بعتذر بشده عن تأخرى فى المشاركه فى الكتابات بس هو عطل فنى من الكمبيوتر وتم اصلاحه بحمد الله وان شاء الله استمر معاكم اصدقائى فى الكتابه ودى اول حاجه حبيت انى ابدا بيها بعض المقتطفات من قصائد الشاعر الكبير فاروق جويدة ويا رب تعجبكم وفى انتظار ردكم بأذن الله . وعذرا على انى طولت عليكم.

بدايه

جوا كل واحد فينا حلم بيحلم بيه منذ نعومه اظفاره هههههههههه حلوة منذ نعومه اظفاره دى؛ بيحلم وبتحلم بالليله العمر وانه يكون ليها او له بيت مستقل عن بيت الاهل وبيرسموا احلام وبيتمنوا حاجات لحد ما كل حد يلاقى الانسان اللى هايكمل معاه حياته وانه يبنى بيت ويكون عنده اولاد ويحس معاه بالسكن والموده والرحمه جوه بيته كما قال تعالى فى كتابه العزيز
(وَمِنْ ءايَاتِهِ أَنْ خَلَقَ لَكُمْ مِنْ أَنْفُسِكُمْ أَزْوَجاً لِتَسْكُنُوا إِلَيْهَا وَجَعَلَ بَيْنَكُمْ مَوَدَّةً وَرَحْمَةً إِنَّ فِي ذَلِكَ لَآيتٍ لِقَوْمٍ يَتَفَكَّرُونَ) (الروم:21)
يعنى يكون البيت قايم على الحب والموده والرحمه ؛بس بقى قبل ما البيت يقوم فى حاجه مهمه كل الناس بتفكر فيها وهى ياترى ليله العمر هايكون شكلها ايه وفستان العروسه وجزمه العريس والكرافته ومين اللى هانعزمه فى الفرح ومين اللى هايغنى او هانجيب دى جى مين ؟وطبعا مكان الفرح فين واصرف ياعريس ماهو انت اللى هاتدفع كل دا اما هانلم من المعازيم وبعد كل الترتيبات دى يجى ميعاد الفرح العروسه فى الكوافير طبعا علشان تبقى عروسه حلاوة وياسلام بقى لو كان اللى بيزوق دا راجل علشان زوقه يبقى عالى اصل الستات مش بيعرفوا يزوقوا زى الرجاله الراجل له بصمته سواء كانت العروسه محجبه ولا من غيره ياعم خلينا نفرح دى ليله العمر ومش هاتتعوض؛ويخدها العريس ويروحوا على الفرح وكل الناس هايصه وفرحانه هييييييييييييييييييييييييييى العريس وصل ويبدأ الزفاف السعيد وتبدأ الاغانى ويبدأ المعازيم مع العريس والعروسه فى مسابقه رقص جماعى وممكن يبقى فردى كمان ويلا كل اتنين مرتبطين يتفضلوا معانا على الاستيتش علشان نفتتح الفرح برقصه سلوا جماعيه وتحس ان الفرح اتقلب ومافيش حد مكانه وطبعا العروسه لها وصله لوحدها وسيد الرجاله واقف بيصقف لها وفرحان دى مراتى اللى هاتبقى ام عيالى بتعرف ترقص تمام وفى وط اصحابه واهلها وكله بيشجع شوف العروسه بتعمل ايه ؛وطبعا مافيش مانع اخوات العروسه والعريس ينزلوا مع العروسه والله بجد دا حصل قدامى اخت العروسه بتجاملها بقى ونزلت عملت وصله معتبره وباباها واقف بيصقف انا كان دمى بتحرق من المنظر ومش عارفه ايه اللى بيحصل بالظبط .
دى نوعيه افراح موجوده فى حياتنا وللاسف موجوده بكثره .
بس فى المقابل ناس تانيه موجودين بردوا فى حياتنا بيفكروا تفكير تانى وبيقولوا ان ربنا انعم علينا بنعمه ويسر لنا نعمه الزواج طيب ليه بقى مش نرضى ربنا فى فرحنا وبدل الفرح وفلوسه نعمل بيها عمره ونبدأ حياتنا على طاعه ونطلب من ربنا انه يجعل بيتنا بيت اسلامى صالح وسعيد واللى مش قادر يعمل عمره ممكن نعمله فى المسجد ونلم الاهل والاصحاب ونصلى وندعى ربنا ؛يااااااااااااااااااااه ايه الشعور الجامد دا ؛كفايه احساسنا اننا بنرضى ربنا وبنتبع سنته الحبيب المصطفى فى إننا نعمل وليمه ونأكل الاهل والمعارف ويبقى كده حصل الاشهار واخدنا حسنات
ياترى ايه احسن إننا نبدأ حياتنا بجبال من السيئات ولا الحسنات ؟ إننا نرضى ربنا وبعد كده الناس ؟ولا نفرح الناس ونقول دى ليله العمر ؟
ياترى فى حد فينا عارف الليله التانيه هاتيجى عليه ولا لاء ؟
(أَفَمَنْ أَسَّسَ بُنْيَانَهُ عَلَى تَقْوَىمِنْ اللَّهِ وَرِضْوَانٍ خَيْرٌ أَمْ مَنْ أَسَّسَ بُنْيَانَهُ عَلَى شَفَا جُرُفٍ هَارٍفَانْهَارَ بِهِ فِي نَارِ جَهَنَّمَ وَاللَّهُ لا يَهْدِي الْقَوْمَ الظَّالِمِينَ )تفكروا كده فى معانى الايه فى أيه سبحان الله بتوصف اللى احنا فيه دلوقتى هى قال الله تعالى
دى سبحان الله كأنها بتوصف وضعنا حاليا
يارب كلنا تبقى بدل افراحنا نعمل عمره ونزور الرسول عليه افضل الصلاة والسلام

هل كنت تعلم

ما كنت أعلم

أن أخر ما سيبقى فى شحوب العمر

قنديل كسيح..

ما كنت أعلم

أن أخر ما سيبقى

فوق أطلال الربوع الخضر

عصفور جريح..

ما كنت أعلم

أن دندنه الليالى

الراقصات مع الامانى

سوف تصبح قبض ريح..

ما كنت أعلم

أننى كمصارع الثيران

يقفز فى الهواء

ويرتمى فى الارض

ثم يموت .. والدنيا تصيح..

لاشىء يبقى من صياح الناس

غير سحابه تبكى

على الدم الذبيح

ثور وإنسان وموت ظالم

يتعانقان مع النهايه

بينما الدنيا تهلل بالمديح

الكل فى صمت مضى

ومع النهايه .. يستريح

للشاعر / فاروق جويده

ذكرى

فى هذه السطور القليله اريد ان اتكلم عن انسان ادين له بكثير من الفضل والعرفان لانه علمنى الكثير والكثير وفى هذا الشهر يوافق ذكرى وفاته هو الكاتب الكبير عبدالوهاب مطاوع الذى رحل عن عالمنا فى يوم السبت الموافق 6/8/2004 لاانسى هذا اليوم ابدا لان الذى رحل فى هذا اليوم رحل بجسده فقط ولكنه باقى داخل كل قارىء من قرائه الذين عشقوا انسانيته فى الكتابه واسلوبه فى الكتابه ونصائحهالتى لم يبخل على اى شخص بها.
هذا الرجل يمثل لى الكثير من القيم والاخلاق الذى نادرا مانجدها فى شخص واحد وفيه ايضا من العلم والثقافه والحكمه التى تشوق اى شخص لمعرفته عن قرب وهذا ماكنت اتمناه ولكن القدر لم يمهلنى هذا؛ هذا الشخص الذى يرقى بقرائه ومستواهم ليرفعم فوق مستوى التفاهات الموجوده فى حياتنا ويرسخ بداخله القيم والمبادىء والتزامه بتعاليم دينه كان ملم بكل جوانب الحياه لاتشعر مع كتابته بالملل ابدا ؛داوى كثير من القلوب الجريحه التى لم تجد ملجأ غيره على الارض وربت على اكتافهم ليخفف عنهم هم الزمان الذى ألم بهم ؛هذا الرجل الانسان الذى عالج كثير من مشاكل الناس وكان يتعايش معها بكل كيانه ولا يستريح الا عندما يلمس مدى جدوى نصائحه وهل أتت بثمارها المطلوبه وكان دائما يبشر بجوائز السماء وعداله رب السماء ويبعث الامل فى قرائه بعد ان اصابهم الالم واليائس ؛هذا الرجل الذى علم كثير من الاجيال وعشقه الكثير دون ان يعلم ورحل فى هدوء عن العالم الذى كثيرا ما ألمه وأتعبه.
رحم الله استاذى ومعلمى الذى أدين له بالجميل والعرفان مدى الحياه وأسكنه الله فسيح جناته
هذه كلمات بسيطه جدا لاتصف مدى ما اشعر به نحو هذا الشخص ولكنى احسست انه واجب على أن أذكره وأذكر الكثير به مع علمى أن من عرفه من قريب او بعيد لايمكن له ان ينساه ؛لانه كبير كبيرجدا فى حياتنا
أسالكم الدعاء له ولاموات المسلمين اجمعين .

أجمل إحساس

من كام يوم كنت بتابع برنامج القاهره اليوم وكانوا مستضفين ناس بيتكلموا عن مشروع بنك الطعام وازاى اننا نحافظ على الاكل اللى باقى عندنا واللى زياده عن احتياجنا ونوزعه على الناس اللى محتاجاه ؛الكلام دا أثر فيا اوى ورجعنى لايام انا بعتبرها من اجمل الايام فى حياتى هى كانت مدتها 3سنين ؛فى الفتره دى كنت بشارك مع مجموعه شباب وبنات فى جمعيه للاعمال الخيريه وكانوا مجموعه ناس من اجمل واحسن الناس اللى قابلتهم على مدار حياتى كلهم ناس فعلا نفسها تعمل حاجه وكانت حياتهم ماشيه عمل وعباده ومافيش حاجه جايه على التانيه او مقصرين فى العباده لصالح العمل او العكس كله متوازى مع بعضه وعندهم فكر حلو اوى واهداف عايزين يحققوها ؛فى الجمعيه دى كنا بنجمع تبرعات من الناس اللى مش عارفه توصل للناس المحتاجه وكنا مقسمين نفسنا مجموعات علشان نعمل ابحاث وندور على الاسر المحتاجه ونبدأ الشغل فى جمع التبرعات والابحاث دى من شهر رجب يعنى زى الايام دى استعدادا لرمضان ولازم نكون مجهزين كل مكونات الشنطه الرمضانيه قبل رمضان بيوم او اتنين ؛واجمل احساس لما تعمل شىء وتحس ان ربنا راضى على الشىء دا وفى نفس الوقت بدخل فرحه على قلب انسان مسلم فى ايام ربنا بيحبها ومفضلها ؛بتحس انك بتعمل الحاجه اللى ربنا خلقك علشانها من مساعدة اخ ليك فى الاسلام ودى طبعا عباده زى ماقال رسولنا الكريم عليه افضل الصلاه والسلام (لايؤمن احدكم حتى يحب لاخيه مايحبه لنفسه )وانك بتحاول تصلح فى الارض احنا مجموعه الشباب والبنات ماكناش غير وسيله ربنا استخدمنا فيها علشان نوصل الحاجات دى ودى نعمه كبيره جدا وكان دعائنا دايما (اللهم استخدمنا ولا تستبدلنا )وفرحه الناس بيك وانت رايح توصل لهم الامانه اللى ربنا بعتها لهم اد ايه الاستقبال بتاعهم بيكون حلو وانهم يعزموا علينا اننا نفطر معاهم ؛ومن ضمن الحاجات اللى كانت جمعيتنا كمان بتعملها كنا بنجمع الادويه اللى موجوده فى بيوتنا اللى لسه صالحه واللى الناس عايزة تتبرع بيها وكان عندنا قسم اسمه صيدليه الجمعيه ونشوف لو حد من الاسر دى محتاج دواء والدواء دا موجود فى الصيدليه كنا بنوصله ليه طبعا تحت اشراف دكاترة مختصين واللى محتاج يكشف كان فى اتفاق مع بعض الدكاتره ان الكشف يكون مجانى لبعض الحالات وكان معانا كمان اخصائى بصريات للى محتاج نظاره نظر ؛كان المكان سبحان الله مليان خير وحب ورحمه كلنا كلن شعارنا واحد وهدفنا واحد وهو ارضاء ربنا ورسوله وشعارنا كان (ومن احياها فكأنما احيا الناس جميعا ) وكان من ضمن الحاجات اللى بنعملها فى رمضان اننا نتفق مع دار الايتام علشان نروح نفطر مع الاطفال اللى فيها فى يوم وكل حد فينا يعمل اللى هو عايزة وناخده ونروح للدار كنا بنكون راحين علشان نحسس الاولاد انهم مش لوحدهم احنا معاكم واللى كان بيحصل هو العكس من مقابله الاطفال وحبهم وحنانهم وانهم فرحانين بيك اكتر منك وانك تقعد مع مجموعه منهم وتحكى لهم حكايات وقصص الانبياء وتعلمهم دعاء ليله القدر وتعمل بينهم مسابقه اللى هايحفظ الدعاء ليه جايزة وتعرف اخبارهم وانا عن نفسى ليا مواقف كتيرر جدا مع الاولاد فى الدار دى هابقى احكيها فى مرة تانيه لانها بجد تستاهل ؛ارجع لجمعيتى اللى عمرى ماهانسى ايامى فيها ولا ايامنا مع بعض انا فاكره اول سنه بدأنا الجمعيه دى كان برنامج عمرو خالد (بأسمك نحيا )هو اللى بيتذاع فى رمضان دا وكنا كل يوم نتناقش فى الحلقه ونتكلم عن اسماء الله ويوم حلقه اسم الله الفتاح انا مش بنسى اليوم دا والله كان عندنا عجز فى الارز فى مخزن الجمعيه ومش موجود الا كرتونه زيت واحده ومش كان فيه فلوس ومش عارفين نعمل ايه ومش معقول الشنط تقف لان لسه فى أسر كتير محتاجه الشنط دى وكان معانا بنت فى الجمعيه عندهم ارض واهلها عايزين يطلعوا زكاه الارض دى وكانت الزكاه طبعا ارز واحنا قعدين متجمعين فى الجمعيه وبدعى ربنا يفتحها علينا والله لاقينا الارز الناس مطلعينه على السلم ممكن يكفينا لاخر الشهر وفى نفس الوقت جه تليفون لحد معانا فى الجمعيه ناس بيتبرعوا بمبلغ مالى كده كمان فلوس الزيت جت وبدأنا شغل من تانى وكل دا بفضل ربنا علينا وثقه الناس فينا . والله العظيم من اجمل الاحاسيس اللى ممكن تحسها فى حياتك انك تحاول تساعد حد وانك تدخل الفرح على قلبه وقلب ولاده اللى ممكن يكونوا الاطفال دول يتامى او والده تعبان تعب خطير ؛وساعتها هاتحس بالرضى فى حياتك كلها وهاتحمد ربنا على نعمه علينا انا بدعى ربنا ان جمعيتنا ترجع تانى ونشتغل من جديد وربنا يبعد عننا كل وحش لانهم بجد اجمل ناس عرفتهم وبحترمهم جدا جدا جدا وباقولهم شكرا على كل حاجه حلوة حسينا بيها مع بعض وباشكر ربنا قبل كل شىء علشان استخدمنى وعارفنى على الناس دى وحسيت إن الدنيا لسه بخير لسه فى ناس بتفكر فى غيرها مش فى نفسها بس . ودا رقم تليفون بنك الطعام للى يحب يشارك فيه 16060كلح حد ممكن يشارك يكلم الرقم دا ويشوف اقرب مكان مناسب ليه فين وازاى يقدر يفيد الناس دى سواء بمجهود مادى او معنوى ؛وبجد فى البرنامج حصل حاجه فرحتنى اوووووووووووووى واحد اتصل واتبرع بمبلغ 10مليون جنيه لبنك الطعام ربنا يعز امه الحبيب المصطفى اللهم امين بحبكم اوى وحبوا بعض لحد المره الجايه

دوام الحال من المحال

تمر الايام الايام سريعا وكلها كام يوم ونبعد عن بعض وينتهى الارتباط الذى كان بيننا واستمر 25 عاما هو كل عمرى الماضى وسوف ابدأ حياه جديده من دونك وبعيد عنك لم تعد تشاركينى افراحى ولا احزانى ولاابتساماتى ولا دموعى نعم سوف اعيش بدونك وسوف اتذكر ايامى معك وحياتى التى مرت بوجودك ؛
سوف اتركك خلال ايام قليله وانتقل الى مكان اخر ليس لى فيه ذكريات مثل ذكريات ولا افراح مثل الافراح التى عشتها فيك ؛نعم سوف اتركك يابيتى الغالى بيتى الذى ولدت فيه وتربيت فيه ولعبت وفرحت وحزنت فيه وانتقل الى مكان لااعلم له اى ملامح ولا يربطنى به اى شىء سوى انه بيتى الجديد ؛سوف افتقدك وافتقد جيرانك سوف افتقد جدرانك ودرجات السلم فيك وذكرياتى مع ولاد عمى وضحنا ولعبنا ودموعنا وخوفنا وحنانا على بعضنا البعض ؛وهم الان لم يعدوا موجودين ايضا كل حد ذهب لحاله وشغلته الحياه ولكننا عندما نجتمع نتذكر كل ما كان بيننا من ذكريات جميله ولما كنا زعل من بعض ونضرب بعض وبعد كل هذا نجتمع مع بعض على الاكل وننسى اننا كنا زعلنين من بعض
لن انسى اجتماع العيله كلها من اعمام وعمات واولاد الاعمام والعمات فى اول يوم من شهر رمضان وفطارنا فى وقت واحد وصلاه التراويح مع بعض وقبل الفطار اجتمعنا نحن الصغار امام فوازير عمو فؤاد وبوجى طمطم وبكار مؤخرا ؛وكان اليوم يعدى جميل ونفضل على ذكرى هذا اليوم طوال الشهر الكريم ؛احساس بيت العيله بيكون ليه معنى جميييييييييل جدا بتحس بالامان وبالحب وان فى ناس فى ظهرك لو حصلك اى مكروه وهتلاقى حد واقف معاك فى دنيتك ؛بس للاسف دوام الحال من المحال كل حد بتاخده الدنيا وبيبعد ممكن يكون البعد دا غصب عنه وممكن يكون بارادته بس الانسان لما بحاول انه يعيش لوحده وبعيد عن عيلته بيضعف وسهل اوى انه يكسر بس دا بقى حال الدنيا
ارجع تانى لبيتنا الجميل ممكن يكون مش اجمل بيت فى الدنيا بس انا شايفاه كده لانه عاش معايا لحظات مافيش حد تانى عاشها معايا بيتنا دا اللى ربيت فيه خوخه (السلحفه بتاعتى ) ولعبنا مع بعض وعرفت عنى كل اسرارى لانى كنت بحكى مع خوخه كل حاجه لو فرحانه بقولها انى فرحانه واحكى لها السبب ولو زعلانه ومخنوقه بعرفها بردوا ومش كانت بتاكل الا من ايدى لانها كانت مدلعه شويه ومش بتاكل الا لما ادلعها وكانت اوقات كتير بتشاركنى خروجاتى وكنت بفسحها واعرفها المكان اللى احنا فيه كانت العلاقه بينا غريبه خوخه كانت بتحس بيا وبنفسيتى وبتحس اذا انا فرحانه ولا مكتئبه كنت بحس انى فيا صفات كتير منها زى السكون والتأنى وان الزحمه بتزعجنى خوخه لما كانت بتحس بزحمه وان فى ناس كتير كانت بتدخل القوقعه بتاعتها وبتفصل نفسها عن العالم اللى حواليها كنت بحبها اوى ؛ولما سابتنى وماتت انا مش قدرت استوعب انها ماتت واقولها يلا بقى بطلى هزار واطلعى اوعى تكونى موتى بس الحقيقه انها سابتنى وماتت اتمنى انى مش اكون قصرت معاها فى الاكل والشرب او فى يوم اكون نسيتها من غير قصد .
وفى بيتنا غرفتى يااااااااااااااااااااااااااه عليها مش عارفه انا هابعد عنها ازاى دا اكتر مكان انا قضيت فيه جزء كبير جدا من عمرى ؛الغرفه دى اللى كنت بجتمع فيها انا واصحابى وكنا بنضحك ونهزر ونذاكر ؛دى فيها كل اسرار اصحابى واسرارى ؛ياما كتير اتكلم فيها وفضفض وهى بتسمع كل حاجه وكانت نعم الصديق اللى بيسمع ولا بيتكلم ؛غرفتى انا بعشق كل حته فيها كل ركن من اركانها هواها نورها وكمان فيها( تويتى )دبدوب دا كان هديه من امل صحبتى ومن اكتر الهدايا اللى بحبها جدا لانى بموت فيه وكمان امل وهى راحه تشتريه ليا قالتلى تعالى اختارى اجيب ليكى ايه هديه قولت لها انا عايزة تويتى استغربت من طلبى اوى بس جابته ليا ومن اعز الهدايا اولا لانه من امل اللى بحبها اوى وكمان لانه تويتى صديقى الصدوق اللى مستحمل هبلى وعصبيتى ومستحمل منى كل حاجه وبيسمع كل اللى عايزة اقوله من غير ماينطق ولا كلمه بس بيريحنى لما بكلمه وبفضفض معاه .
هاتوحشنى وصله النت اللى كانت مطلعه عينى ودايما كنت ببعت لصاحبها وقوله بجد حرام النت وحش عندى ويرد ازاى دا شغال تمام طيب لما يكون وحش عارفينى بس وانا هاتصرف وطبعا ولا بتصرف ولا غيره ويبقى الحال على ماهو عليه .
هاتوحشنى لمتى انا واصحابى مروة وامل وهبه وايناس ومنار وكلامنا وحكايتنا وذكريتنا ؛وكلامنا عن ايام الجامعه واللى بعد الجامعه وكلام كل حد فينا عن شغله وحياته وطبعا اللى مخطوبين كلامهم وحكاياتهم عن احبابهم
كل ذكرياتى دى كانت هنا فى بيتنا وطبعا غيرها كتيرررررررررررررر اوى بس حكم السن بقى والزهايمر
هاودعك يابيتنا خلال ايام قليله بس عايزاك مش تنسانى وتشهد ليا يوم القيامه انى ذكرت ربنا فيك وانى صليت فيك وقرائتى للقراءان وتعليمى التجويد فيك اتمنى انك تشهد ليا بالخير ؛وانا عمرى ماهنساك ولا هانسى احلى ايام عمرى فيك ؛واتمنى ليا ان البيت الجديد يكون خير عليا انا واهلى ؛عمرى ماهانسى جيرانا هما ساعات كانوا بيخنوقونى بس هايوحشونى كل حاجه هاتوحشنى فيك .
بحبكم اوى وحبوا بعض لحد المرة الجايه

موعد مع القدر

رن جرس التليفون قولت الووووووو
قال ايوه ياميرو ازيك
قالت ايوة ياحبيبى ازيك عامل ايه؟
قال الحمدلله بخير وانتى اخبارك ايه وحشتينى
قالت وانت كمان وحشتنى اوى مش هاتنزل بقى انت وحشت ماما وبابا يامحمد
قال ان شاء الله يامروة هانزل فى رمضان
قالت بجد يامحمد خلاص هاتنزل بعد خمس سنين سفر ؛طيب خلاص انا هاعرف ماما وبابا وانت ابقى عارفنى ميعاد الطياره
قال حاضر يامروة وسلامى لماما وبابا وخلى بالك عليهم
قالت حاضر وانت كمان دير بالك على حالك لااله الا الله
قال سيدنا محمد رسول الله مع السلامه
واغلقت السماعه وعرفت ماما وبابا ان محمد هايجى فى رمضان ؛وحضرنا البيت علشان محمد جاى بعد 5 سنين وفرحنا جدا بالخبر ؛ومحمد عرفنا ميعاد الطياره واننا هانستناه فى المطار ورحت انا وبابا علشان نستقبله وطبعا ماما بقالها يومين بتحضر فى الاكل علشان خاطر حماده وانا قعده فى المطار اتعرفت على واحده طنط واطصحبنا وطلعت من المنصورة يعنى طلعنا بلديات وكانت طنط جايه المطار علشان تستقبل ابنها اللى هو جاى بردوا من السعوديه ؛الطياره وصلت وبعدين روحنا علشان نستقبل محمد اخويا وطنط قامت معنا علشان تستقبل ابنها وبعدين انا باقول محمد اخويا اهو راحت طنط قالت لاء دا احمد ابنى فابصيت لها واستغربت وقولت يمكن اكون نسيت شكل اخويا ماهو 5 سنين بردوا لحد ما وصلوا عندنا وطلع هو فعلا محمد اخويا وطنط كانت بتشاور على احمد ابنها اللى طلع هو كمان صاحب محمد اخويا ياااااااااااااااااه ايه الصدفه العجيبه دى واتعرفنا واتكلمنا وبعدين كل واحد هايركب بقى عربيتهم علشان يروحوا ؛انا بقى بينى وبين نفسيتى كده اعجبت بصاحب محمد وقولت لنفسيتى اهو دا اللى انا عايزة ارتبط بيه ؛وفى الطريق العربيتين ماشين وراء بعض واتقابلنا فى الرست فى الطريق وتبادلنا اطراف الحديث ههههههه(حلوة اطراف الحديث دى )المهم بدأت الزيارات بين احمد ومحمد وبدأت اشوفه كتير واتعلق بيه رغم انى بعد كده عرفت انه نازل علشان يخطب بنت كان متعرف عليها ؛ومامته قالتله يا احمد مامروة اخت محمد موجوده اهى وبنت كويسه وانت عارف اخوها قالها ياماما انا نازل اخطب بنت معينه وهى عارفه كده يبقى مش ينفع انى اغدر بيها ؛وانا بقى بحكى لاصحابى عنه وشافوا صورته مع محمد اخويا وقولت لهم انى نفسى اتخطب لدا ؛وهنا بقى لعب القدر لعبته سبحان الله انا اريد وانت تريد والله يفعل مايريد احمد راح اتقدم للبنت دى وبعدين مش حصل نصيب بينهم والموضوع انتهى من قبل مايبتدى اصلا ؛وبعدين احمد بدأيفكر فى كلام مامته ويفكر فيا وانه عايز يخطبنى وانا كنت بصلى وادعى ربنا انه يكون من نصيبى وكانت ليله القدر سبحان الله وكان يقينى بالله كبير وهو القائل فى كتابه العزيز (إدعونى أستجب لكم)وبعدين فى يوم بعتلة مسدج رد علية بمسدج وبعتنا لبعض مسدجات كتير اوى وحسيت انة بئا جوايا وبعدين قالى انا مش عاوز اظلمك معايا فى مسدج من المسدجات وانا اعيط وقلت لية عملت كدة وقفلت موبايلى وبعد يومين فتحتة ولاقيت داليا اخته بتكلمنى وبتسالنى فى نص الكلام من ضمن كلام كتير انتى مرتبطه يامروة فارديت على طول لاء ياداليا انا مش مخطوبه ؛قالت لاء يعنى انت بتحبى حد ولا لاء قولت لها لاء فاسالتها ليه يا داليا قالت ليا احنا عاوزينك لاحمد رديت وقولت اتصلى قوليلهم عندنا فى البيت(احراج بقى ) المهم المكالمه انتهت وبعدين لاقيت احمد هو اللى بيكلمنى وبيقولى انه عايز يخطبنى ففرحت اوى لان حلمى بدا يبئا حقيقة فاتح محمد اخويا فى الموضوع على اساس ان محمد صاحبه وهو اللى هايسانده فى الموضوع دا هو مجرد انه فتح بس الموضوع مع محمد وعينكم ماتشوف الا النور محمد هاج وثار وانت تتجوز اختى ابدا لاممكن دا انا عارف كل حاجه عنك اجوزك اختى ازاى يامحمد يهديك يرضيك لاء يعنى لاء وتنسى الموضوع دا خالص ؛كله الا اختى وطبعا بابا مش هايقدر انه يزعل محمد ومش اتكلم فى الموضوع وخلاص الموضوع اتقفل وانا بقى مابطلتش عايط ومنعت الاكل والشرب لمده 4ايام المهم احمد كمان غير رقمه ومحدش يعرف الرقم دا الا انا ولما خالى عرف بالموضوع وعرف انى مانعه الاكل والشرب جه واتكلم مع ومحمد وقالة اختك من حقها تختار شريك حياتها واخيررررررررا محمد اقتنع ويحاولوا يكلموا احمد على رقمه القديم طبعا غير متاح فقلت لصحبتى تبعتلة مسدج تقولة يفتح الرقم القديم علشان محمد بيحاول يكلمه علشان هما وافقوا على الموضوع ومحمد كلم احمد وقاله انا هجيلك دلوقت استنانى وراح وقابلة هو وخالو وبعدين قالة حدد يوم تيجى فية قالة بكرة كان يوم الخميس
وفعلا الفاتحه اتقرأت وبعدين صليت انا واحمد ركعتين لله وشكرنا ربنا واتخطبنا والحمدلله انا عايشه دلوقتى اجمل واحلى قصه حب فى حياتى وقصه اتمنى ان الدنيا كلها تعرفها وان كل الناس يعيشوا زيها ويحسوا الاحساس اللى انا عايشاه وادعولى كلكم انها تتوج بالجواز واننا نبنى بيت واسره صالحه وسعيده وعقبالكم كلكم
على فكرة دى فعلا حكايه مروة صحبتى واحمد خاطبها ربنا يوفقها ويسعدهم يارب
بحبكم اوى وحبوا بعض لحد المرة الجايه

اللقاء المنتظر

سهرانة عينى تتامل.... عشق أيامى الماضية
وقلبى يملأه الهوى..... بكاء على ذكرى الليالى
وجروحى عالقة حزنا .... على قلب محبوب
وحياة أليمة تمضى ..... وقمرا منيرا يرى
نجوم تبكى لاحزان حياتى
ونوره تطفأه ظلمة أيامى ... لقد تعبت الحياة كتيرا
هل ستعود لى يوما ..انى انتظرك وسأظل انتظر رجوع قلبك الى
ان دموعى تحترق شوقا... لقد وصفت لك جزء مما بداخلى هل وصلت رسالة قلبى اليك ..
أم اننى اتحدث الى نفسى..
لقد اهديتك قلب حنون محب عاشق صبور
هل سترعاه مجددا ام تترك رياح الغدر تناثر غبارها عليه
أم ستقتله مجروح عميق الذكرى
ام ستجعلنى أرى حياتى كشجر خريف تساقط أوراقه
أو كطائر تلاحقه طلقات نارية... تريد نهايته
أو كأزهار ربيع ... لا تريد ان تروى أيامه
ولوعة المشتاق لفراق الذكريات
كقدوم اليل ببرودة ساعاته
وعينى تلاحقها الدموع ... وقلبى يملأه كيان الماضى
وقلبى يحرقه الماضى بشموعه .... ويداى ترتعدان خوفا وألما
هيا خدنى الى احضان قلبك ... وامسح دموعى ونور أيامى بوجودك
لا تجىء بذكرياتك وتتركنى حائرة....
انتظر قدومك بلهفه
انتظر قدومك بشوقى وحبك

لحظه حب

كنت اراه كل يوم وفى مكان عملنا وأنبهر به وبتعامله مع الزملاء وفى اخلاصه فى عمله وبالتزامه ؛ولكننى لم اكن اتكلم معه لانه لم يوجد بيننا تعامل فى العمل ولكن كنت اراه نعم الشاب واتمنى ان نتكلم ولكن لم تاتى الفرصه بعد ومرت الايام والشهور وانا فى انتظار هذه الفرصه لكى اتعرف عليه من قرب ولكن كنت اخاف من صدمتى من ان لايكون كما تخيلته ؛وفى يوم من الايام نظمت الشركه معرضا وحفل استقبال للتعارف بين الموظفين ولطرح افكار جديده للعمل وكان هو من نظم هذه الحفله وهو القائم عليها ؛فكانت هذه هى فرصتى الذى بعثها لى القدر وذهبت الى الحفله وانا فى كامل أناقتى وكان فى ذهبى احاديث كثيره أود لو نتحدث فيها سويا وان يمهلنى القدر هذا الحظ وعندما رأيته واقفا نسيت كل الكلام ولم اتذكر سواه فقط وانا اقف امامه ناظره له دون ان اتحدث ؛وحدث مالا كنت اتوقعه جاء هو لكى يتعرف إلى لم اعرف ماذا قلت ولا ادرى ما الذى حدث وعندما مد يده لى لكى يصافحنى تركت يدى إليه كى تنام فى احضان يده ولو لبضع ثوانى ؛وبدأ بيننا الحديث وعرفت منه انه كان يريد ان يتعرف إلى منذ فتره ولكنه لم يعرف كيف يبدأ الكلام معى ؛ياإلهى هل كان احساسنا مشترك دون ان نعلم مايدور فى ذهن الاخر وقال لى انه متابع من فتره عملى فى الشركه وعلاقاتى مع الزملاء وعلاقه الاحترام الذى تسود تعاملنا ؛كلامه هذا هو الذى كنت افعله انا ايضا واندهشت لذلك كثيرا وتذكرت حديث الرسول عليه افضل الصلوات والسلام (الارواح جنود مجنده من تعارف منها ائتلف وما تعارض منها اختلف )ياإلهى؛ وتكلمنا فى مواضيع عده فى الادب والشعر والدين والسياسه وكان عندما يتكلم استمع اليه كأنما استمع الى صوت عقلى احسست وقتها انه لايمكن لى ان افكر وانا معه لانه هو الذى يفكر ويتكلم وكأننى انا الذى فعلت هذا فكرت وتكلمت ؛ومرت الشهور وتوطدت العلاقه بيننا كاشخصين بيرتاحوا فى كلامهم مع بعض وكانت شخصيته واخلاقه اكثر مما كنت اتوقع ان أراه عليه أهذا بشرا مثلآ ألايوجد بك اى عيوب كيف هذا أم انا لم استطيع ان ارى عيوبه ؛ولكن من المؤكد ان عيوبه ليست كثيره ولم اشغل بالى بعيوبه يكفينى كل هذه المميزات ؛وفى يوم من الايام طلب منى ان يتحدث معى فى أمر ما احسست وقتها بشىء يهز اعماق قلبى من اللهفه لمعرفه ماذا يريد وقولت لنفسى اعتقد انه حان وقت الاعتراف ؛نعم الاعتراف لى بحبه وعندما ينطق باأول حرف من كلمه بحبك اكون قد اعترفت له بكل ما أشعر به تجاهه .
وتقابلنا وبدأ بيننا الحديث لم يكن سوى كلام عادى وانا سارحه ألم يحن الوقت بعد لكى تنطق بما تشعربه أنا أعلم انك تحبى أنها واضحه فى كل شىء فى نظراتك فى خوفك عليا فى كلامك وفى اتصالاتك بى كثيرا فقط لكى تطمئن عليا ؛قولها وأعدك انك لن تندم عليها مطلقا لانى احبك اكثر مما تتوقع وأكثر من حبك لى ولكن لايمكن ان اقولها الاول قولها أنت اولا ولا تعذب قلبى اكثر من هذا ولاحظ هو مدى سرحانى وانا معه فسألنى في ماذا كنتى سارحه فارددت بكل تلقائيه فيك أنت ولا أشعر ماذا قولت الا عندما عادها عليا فى أنا ؟
انقلب كيانى ولم ادرى ماذا اقول ولاحظ هو ما انا فيه من لاخبطه وابتسم ابتسامه لم انساها طوال حياتى وقال لى عيناكى تحدثت بما تحاولى ان تخفيه من كلام عندها حاولت ان اخفى عينايا التى فضحتنى امامه وكيف لها هذا وهى عينيا انا؛ اتعترف له بحبى؛ عينى احبته اكثر منى وصرحت له بكل ماكنت أحاول أن اخفيه عنه سامحك الله ياعينى ؛وقال لى انه يشعر بهذا الاحساس من أول يوم تحادثنا فيه سويا وأنى اصبحت بالنسبه له حلمه الذى يريد ان يتحقق.
ما هذا الذى يحدث هل انا فى علم او فى حلم ان كنت فى حلم اتمنى أن لاأفيق منه نهائيا وإن كان علم فا أحمد الله على هذه اللحظه الذى وهبنى إياها ؛وقولت له أنت اكثر مما أتمنى ؛وأنت الوحيد الذى ملك قلبى دون ان يدرى فهو لك اقدمه هديه يا ليت قلبى يكفى حبى لك ولو كان لى الف قلب كان امتلآء بحبك أنت .
وأنتهى لقائنا على وعد بموعد جديد ولكى نتفق سويا على خطوات تحقيق حلمنا المشترك
انتظروا معى هذه الخطوات
بحبكم اوى حبوا بعض لحد المرة الجايه

ذكرى الأيام

تراك عينى ..وتنساك حياتى
وتذهب روحى .. لبعد الممات
ويدق قلبى لوعة... الفراق
وتموت ايامى حزنا ... من الآهات
وتجى رياح وتأتى اخرى.... لتتطاير
اهواء الذكريات وعشق زمانى.....
ويعيش قلبى وحيدا وسط جروحه وآلامه
يلم الماضى فى كف يديه ليرى ما ألم به من أهوال
أيامى لا تتركينى هكذا ..رجاء منك امنحينى الحياة ولو لدقائق معدودة أو حتى ثوانى ما ضية
لقد رأيتك قمرا منيرا فى سماء قلبى ..... وأيام حياتى
اضاءت نجوم تتلألأ بداخلها... وعشق لسهر ليالى جديدة
ولكن لم يعد يتبقى منك شيئا... ورحلت بعيدا
وجاءت ظلمة الزمان
يا فرحتى عودى مجددا واظهرى لى الأحلام
وامتثلينى كعود بخورينثر رحيقه فى كل مكان
لن اطيل بقائى ولكن ما أعيشه اجعليه جميلا
لا ليجدد لى الاحزان.....ولكن ليفرح ما تبقى من عمرى معك.

افكار تدور....

عش حياتك يوما واحدا .. فأمس مضى وغدا لم يأت.
لا أملك قلم ناقد ولا فصاحة شاعر ولا ريشة فنان.. فقط ما املكه هو احساس.
ماذاتقعل لو الشخص الوحيد القادر على مسح دموعك.. هو من جعلك تبكى.
لو يحسب العمر بلحظات السعادة... لكتبو على قبرى مات قبل ان يولد.
توقفت كثيرا امام هذه التعبيرات وفكرت فيها كثيرا وترددت فى ذهنى ايام الطفولة الجميلة ببراءتها هل ستأتى هذه الحياة مجددا أم انتهى عصر الخيال .
هل الاحساس والمشاعر هى التى تتحكم فى الانسان فى الوقت الحالى ام أفعاله وأفعال البشر مما حوله هى التى تحدد مصيرا جديدا.
هل لحظات السعادة التى نعيشها بعد فترة آلام طويله ستدوم !!!! ولكن السعادة لن تكون الا بلحظات متفرقة بعيدة.
أم الحياة هى يوما واحدا أما ان نعيشه ونحاول تجميله بشتى الطرق ام نمت احياء على أرض تسير فيها الحياة لحظة.
أم هى أحلام تعيش ذكرى أيام حديثة عهدها وتمر بمرور السنين الآتية مليئة بأحداث.................!!!!!!
حتى لسانى عاجز عن التعبير بكل ما يريد الافصاح عنه......" ان تكتشف موت لسانك عند حاجتك للكلام".
وفى الآخر ده كان جزء مما بداخلى .....
وفى حاجة جت على بالى دلوقتى هقول لكم بدايتها على ان تستكملها فى وقت لاحق.....
بتقول " من قد لام السماء على موت الاعشاب"
هل ما كتبته فعلا صحيح ام هى هواجس تتردد اقوالها بداخلى .
فى انتظار ردكم.

سافر من غير ميعاد

كنت اجلس على مكتبى وجاءت لى نسمه هواء من الشباك المفتوح خلفى مع صوت العصافير تذكرت حينها ايامى معه ؛حينما كنا نجلس سويا تحت الشجر مع الاصدقاء وكانت عيوننا فقط هى التى تتحدث دون ان يصرح كل منا للاخر انه كل مايتمناه فى الحياه ؛وكنا نضحك ونتحدث فى كل شىء الا ما يدور فى عقولنا ومانحس به فى قلوبنا ؛وهذا راجع لعده اسباب منها واهمها انه يصغرنى فى السن بعام وبضع شهور ولهذا السبب لم يصرح لى بحبه الذى يملأ كل كيانه وهذا ماعرفته من صديق لنا كان قد اعترف له انه يحبى ولكنه يخاف ان يصرح لى بهذا خوفا من ان ابتعد عنه نهائيا واكتفى بان نكون اصدقاء ولو حتى فى الظاهر فقط ولكننى كل حياته. وانا لم اصرح له بحبى لان حيائى يمنعنى من هذا ولاننا تربينا على ان الولد هو الذى يبدأ اولا حتى لو كانت انفاسى متعلقه بدقات قلبه ؛ومرت الايام بنا على هذا الحال حينا لااكون موجوده يبحث عنى بنظراته ويسأل عنى الاصدقاء ويتلف على ظهورى وعندما اظهر تنير حياه بشمس وجودى ويحتوينى بنظراته ويراعينى بأهتمام بالغ لاأفكر فى شىء الا وقد أتى به لى كنا مشتركين فى أغلب أفكارنا ومتفقين مع بعضنا البعض فى الرأى والاهتمامات حتى الكتب التى كنت احب اقرئها كان ايضا يحبها ؛ونوعيات الاكل كنا نشترك فيه ايضا؛وفى ذات يوم لم أره فى مكاننا الذى كنا نجتمع فيه مع الاصدقاء ومرت الايام ولم يظهر وسألت عنه اصدقائنا ولم يكن احد يعلم عنه شىء اختفى مثل الطيف الذى يظهر ويختفى فجاءه ولك يكن امامى غير ان اطلبه واطمئن عليه ولكن كيف لى ان اتى برقم تليفونه وانى لم اطلبه منه فى يوم من الايام ماذا افعل ؟
لم يكن امام غيرى شئون الطلبه فى الكليه فذهبت الى الشئون وطلبت من الموظف الموجود رقم تليفونه لاننى احتاجه فى امر هام واعطانى الموظف الرقم وكنت فرحه به جدا لاننى سوف اطلبه واطمئن عليه وعلى اخباره وأسمع صوته من جديد الذى كان يطربنى وأود ان لايسكت عن الكلام لكى لااحرم من سماع صوته ؛وعدت الى البيت وذهبت الى غرفتى لكى اطلبه وكلى لهفه وشوق له ؛ها هو التليفون انت الذى تطمئنى على حلم حياتى وطلبت الرقم وردت عليا والدته
انا :السلام عليكم
هى :وعليكم السلام ورحمه الله
انا :لو سمحتى ياطنط ممكن اكلم احمد انا زميلته فى الكليه
هى :احمد
انا :ايوه ياطنط هو موجود
هى :لاء هو مش هاينفع يرد عليكى لانه مش موجود
انا :طيب لو سمحتى ياطنط هو احمد هايجى امتى ؟
هى :احمد مش راجع تانى احمد معدش موجود خالص
انا:ازاى ياطنط يعنى انا مش فاهمه (وبدا عليا علامات التعجب والدهشه)
هى :احمد مااااااااااااااااااااااااااااااات
انا :مااااااااااااااااااااااااات
وأغلقت الخط لانى لم استطع اتمام المكالمه ؛غاب احمد عن الحياه مثله مثل اى شىء جميل فى حياتنا غاب قبل ان اعترف له انه كل حياتى ويظل كذلك كل حياتى وسوف نتقابل من جديد ؛ولكنه سافر من غير ميعاد

حياة روحى

احساس ...برىء يمكن ...بعيد!!! ام لم يولد بعد ...انتظره مجددا
بلهفة قلبى ....بشوق حنانى
بحياة روحى...بسهر ليالى
بمناجاة القمر...وحب النجوم
وضوء الشموع...لتكتمل الحياة
وذكرى جديدة تتخللها الايام.
وتتناجى اليها بألحان الطيور
وينادى قلبى عاليا بلحن عود
هيا لنرقص معا على انغام القلوب
لنزف سويا الى عالم الاقدار
لتطير الفراشات الحب عازفة باروع الالوان
ورياح الربيع تأتى بنسمة الهوى..... لتداوى جراح السنين
وها عمر جديد يأتى ..على الحان الحب معبرة
عن ماضى اليم انتهى عهده ولن يأتى ثانية
بحياة جميله كأزهار مفرحة... لارتوائها من جديد بحياة السنين.

احساس

جوايا الايام دى احساس غريب ؛احساس بالوحدة رغم وجود كتير من الناس حواليا واحساس بعدم رغبتى فى الكلام وفتح اى حوار بدأت احس انى انطويت زياده على نفسى مش عايزة اشوف حد ولا اكلم حد ؛بدأت حياتى تنحصر فى الكمبيوتر والنت وانى اقراء كتير اوى ؛ومش عايزة افكر فى حاجه من كتير ما انا عايزة اركز فى القراءه وبس .
فى كلمه قرأتها النهارده الكلمه دى اد ايه حلوة ووضحت ليا حاجات كتير اوى ؛ الكلمه دى بتقول (اذا ضاق صدرك بما تحمل من اسرار فاقلب الذى تحدثه اضيق من صدرك)
يعنى من الاخر كل حد عنده همه اللى مكفيه وزياده فبلاش نوجع قلب بعض اكتر ؛بس مشكلتى فى حاجه لما بيكون حد من اصحابى مضايق وعايز يفضفض فا اقل حق من حقوقه عليا انى اسمعه وانه يفضفض معايا بس انا نفسى فى حاجه انى مش أتاثر بالفضفضه دى ومش اخليها تأثر فيا ؛ببقى نفسى اتكلم انا كمان بس بيجى ليا احساس انه مافيش حد عايز يسمع او مافيش حد ناقص هم اكتر من اللى هو فيه فابسكت وبكتم جوايا وبحس انى قلبى بيوجنى اوى لانه مكبوت ومش بيفضفض هو كمان .
مش عارفه اذا كان احساسى دا صح ولا غلط وهل فعلا ان الناس مش ناقصه كفايه اللى عندها ولا انا اللى حساسه اوى والاحساس دا تملكنى خلاص ؛علشان كده بدأت انطوى ومش اتكلم مع حد ولاحتى اخرج وبقى اى مكان فى ناس بدأيسبب ليا مشكله بحس انى مش فى مكانى ؛مكانى مع الكمبيوتر وقرأتى اللى ممكن مش تهم حد غيرى وبشوف نوعيتها بطريقه معينه غير باقى الناس بس بتعجبنى النوعيه دى ؛بس هو اكيد الانطواء دا غلط لانى لازم اتعامل مع الناس علشان استفيد من الاحتكاك والكلام والمناقشات اللى بتحصل فى الحياه العاديه ؛بس الناس بتجرح اوى وبتكون قاسيه وكل حد بيقول يلا نفسى ؛او انا ومن بعدى الطوفان فبقى فيه انانيه فى التعامل كل واحد عايز يكون فى الوحيد اللى ناجح فى العالم رغم ان ممكن كل الناس تنجح ومش تأثر على ناجحه ؛العالم ممكن يسعنا كلنا وكلنا ننجح بس لو فكرنا بطريقه ايجابيه اكتر انه ازاى اطور نفسى وازاى انجح واجتهد فى مجالى واثبت فيه ذاتى ومش فيه مشاكل لو كل الناس اثبتت ذاتها ونجحت بس من غير ماتأذى حد فى طريق ناجحها دا فى حديث عن الرسول صلى الله عليه وسلم (لايؤمن احدكم حتى يحب لااخيه مايحبه لنفسه) يعنى من الاخر بلاش شغل النفسنه دا وان قلبى يكون بوجهين يكون بوجه واحد طيوب وحنون تمام كده لانه بالطيبه دى هاقدر انى اسمع لفضفضه اصحابى وهاقدر انى اتعامل مع الناس واحتك بيهم اكتر ؛فالو كلنا اتعاملنا كده مع بعض يبقى كده حلو اوى ومش فيه حد هايجرح حد ولا يتضايق من حد
بحبكم اوى وحبوا بعض لحد المرة الجايه

ماذا أقول (نزار قبانى)

ماذا اقول له لو جاء يسألنى
ان كنت أكرهه أو كنت أهواه
ماذا أقول أذا راحت اصابعه
تلملم الليل عن شعرى وترعاه
وكيف اسمح ان يدنو بمقعده
وأن تنام على خصرى زراعاه
غدا اذا جاء اعطيه رسائله
ونطعم النار احلى ماكتبناه
حبيبتى !هل انا حقا حبيبته
وهل اصدق بعد الهجر دعواه
اما انتهت من سنين قصتى معه
ألم تمت كخيوط الشمس ذكراه
أما كسرنا كؤوس الحب من زمن
فكيف نبكى على كأس كسرناه
رباه أشيائه الصغرى تعذبنى
فكيف أنجو من الاشياء رباه
هنا جريدته فى الركن مهمله
هنا كتاب معا ....كنا قرأناه
على المقاعد بعض من سجائره
وفى الزوايا.... بقايا من بقاياه
مالى احدق فى المراه أسألها
بأى ثوب من الاثواب ألقاه
أأدعى اننى اصبحت اكرهه
وكيف أكره من فى الجفن سكناه
وكيف اهرب منه ؟أنه قدرى
هل يملك النهر تغيرا لمجراه
أحبه .. لست ادرى ما أحبه به
حتى خطاياه ماعادت خطاياه
الحب فى الآرض بعض من تخيلنا
لو لم نجده عليها ؛لاخترعناه
ماذا أقول له لو جاء يسألنى
ان كنت أهواه ؛إنى ألف اهواه

بحبكم اوى ؛حبوا بعض لحد المرة الجايه

فط ونط

وانا قعده بتفرج على التليفزيون لفت نظرى حاجه بتتكرر كتير على كل القنوات فضائيه وغير فضائيه فى كل برنامج او فيلم او مسلسل الاقى ناطط وفاطط ليا فى النص فاصل ثم نواصل ؛ فكرت كتير ايه فايده الاعلانات دى وليه بتقطع كل حاجه بنتفرج عليها وعرفت ايه السبب فى وجودها وهو ان اى قناه من غير اعلانات تقفل ابوابها على طول وتفلس لان الربح بتاع القناه بيكون نمن خلال الاعلانات دى وكل ماكان البرنامج ناجح كل ما كانت اعلاناته اكتر.
بس لفت نظرى حاجه فى الاعلانات دى وبجد عاجبتنى اخر حاجه ايه بقى ؛اللى عاجبنى الفكرة بتاعت الاعلانات وان اى شركه عندها منتج ازاى بتعلن عنه بطريقه مشوقه بتخليك نفسك فى كل الحاجات اللى فى الاعلانات وانت قاعد مكانك ؛انا بصراحه ببقى كده ؛وانهم كمان بيعرفوا ازاى يختاروا مين اللى يعلن عن المنتج دا وطبعا بيكون فى الغالب نجم يا اما نجم سينما او نجوم المنتخب بيجوا يعلنوا عن كل حاجه اكل اومشروبات او صابون وغيره طبعا فلوس الاعلانات دى بتكون مغريه لاى حد بس الشركه بتكسب اكتر؛يعنى مثلا فى اعلان عن صابون بتعلن عنه منى زكى وبتقول فى الاعلان دا تألقى مع صابون .......... وازاى بحس انى نجمه ولو اى حد تانى اسعتمله هايكون زى النجوم ومتألق طبعا انا صدقت الكلام وجبت الصابونه وجربتها بس الظاهر ان العيب فيا مش فى الصابون منى كده كده متألقه ومش محتاجه لصابون ههههههههههههههه؛ولا الشامبو والشعور اللى بتيجى فى الاعلانات بتاعته اللى على رأى اخوانا اللبنانين (بيعقد) وهو فعلا بيعقد ؛والاعلانات عن كل حاجه انت تتخيلها ولا تتخيلها ماعدا اعلان العيش لانه مش ناقصه اى دعايه خااااااااااااااالص .
بس ممكن نبص للاعلانات دى بصه ايجابيه ممكن نطلع منها بحاجه الناس بتوع الاعلانات دى بتشتغل على اللى بيشغل الانسان واللى يتمنى يعمله الناس دى بتعلن عن منتجهم لدرجه ممكن يخلونا نعتقد ان حياتنا من غيره ناقصها حاجه كبيرة وهما نجحوا فى كده يعنى مثلا اعلان الصابون دا بتخاطب الانثى وازاى تظهر انثوتها وازاى تكون منورة ومتألقه ونشترى الصابون ونستنى التألق زى منى بس هى مش محتاجه بسم الله ماشاء الله لدرجه اننا علشان نوصل للتألق دا ممكن ناكل الصابونه ولاحياه لمن تنادى مافيش فايده هههههههههههههه هو انا كده ومافيش غير كده لو عاجبك عاجبك ولو مش عاجبك هو كده بقى هههههههههههههه .
بس اسبتفدت حاجه وهى ان الناس دى بتحشن جوانا حاجات ايجابيه بنتمنى وجودها فينا سواء الجمال او القوة او الذكاء من خلال اعلانهم عن المنتج بتاعهم علشان كده بنحس انهم مهم لينا ؛ يعنى انا لو قعدت اقول لنفسى انى ذكيه وانى جميله كل دى رسايل ايجابيه انا ببعتها لنفسى وبالتالى الشحنات دى هاتتحول لواقع انا اقدر الحسه واللى حواليا كمان يقدروا يحسه زى احساس الحب مش فى مثل بيقول (من القلب للقلب رسول ) اهى الرسايل دى كده بالظبط انت حسيت بحاجه ظهرت عليك سواء شكلا او فعلا وبعدين اللى حواليك حسوا بكده وجوانا كلنا جمال بس المهم ازاى نعرف نظهر الجمال دا ونستخدمه لصالحنا ولا اييييييييييييييييييه واهم حاجه الرضا انى اكون راضى عن كل حاجه بتحصلى ومش ازعل عليها اوى واقول لنفسى لعله خير.
كان فى مسلسل سورى بتاع سلاف فواخرجى اسمه عصى الدمع المسلسل دا لفتنى فيه حاجه كانت سلاف اول مابتصحى بتقول لنفسها 3 رسايل ايجابيه الرسايل دى كانت بتخليها قويه وتقدر تتحدى اى حاجه ممكن تقابلها فى يومها
كانت بتقول

• حلوة كتيررررررررر ودى طبعا مافيش فيها كلام هى كده فعلا
• قويه كتير
  
• زكيه كتير

انا عاجبنى الكلام دا اوى وقولت لنفسى اجربه ليه لاء مش هاخسر حاجه وفعلا جربته ومش هاتصدقوا بجد جاب نتيجه والناس اللى حواليه لمسته فيا فابقيت لما احب انى اعمل حاجه اقول لنفسى انا هاقدر انا قدها وكل كل شىء باذن الله
يااااااااااااااااااااااااااااه انا لكاكه اوى اتكلمت كتير اوى بس اعمل ايه بنسى نفسى معاكم
بحبكم اوى وحبوا بعض لحد المرة الجايه

اهلا بالكل فى كاريزما

انا فرحانه جدا انى عملت مدونه اقدر اتكلم فيها واقول اللى انا عايزاه ان شاء الله حتى اصرخ فيها وفرحانه انى هاقدر اتعرف على ناس اقدر عن طريقها ويارب تعجبكم المدونه ؛انا لسه مش عارفه هاكتب فيها ايه او اقول ايه ؛بس ان شاء الله نحاول اننا نفيد بعض فيها من خلال تجاربنا فى الحياه اينعم هى مش كتير بس تفيد لاننا عندنا دماغ شغال وبيفكر وممكن اللى اكتبه ناس تعبيره هبل بس ممكن ناس تانيه تشوف فى حاجه كويسه والاختلاف فى الراى لايفسد للود قضيه ؛وكل حد عنده حاجه يتكلم فيها وممكن نقدر نوصل لحلول حاجات كتير فى حياتنا وعلى راى المثل القائل اللى يشوف بلاوى الناس تهون عليه بلوته ؛كاريزما دى بتاعتنا كلنا ومن غير تكلييييف خالص ولا خنقه احنا هنا علشان نفك مع بعض ونفضفض لبعض ؛وكمان كاريزما ممكن يكون هدافها ازاى تكون ايجابين اكتر وبلاش السلبيه دى اللى هاتموتنا عايز نتغير مع بعض للاحسن وناخد بايد بعض ونعلى بدينا وازاى نقدر ندافع عن دينا وعن رسولنا (ص).
انا عايزة كل الناس هنا معايا مستنايكم ومستنيه تعليقكم